اوچ مین نفر ایله، حاکاری دن شمزین دن یاغیب گلن اوتوز مین یاغی کوردون قارشیندا دیکه لیب بوینولارین بوران «قاسملو» طایفاسیندان اولان قهرمانین اوجامان آدی «عالی جناب ژنرال امام قلی خان اقبال الدوله قاسملو افشار» دیر و اورمونون باراندوز ماحالیندا یئرله شن قاسملو کندی و دره سی همان بو قاسملو افشار قهرمانلاریندان یادگار قالاراق آدلارینی داشییر.

1880 جی ایل، یاغی شیخ عبیداله اینگلیس کونسولو ویلیام آبوتون گؤستریشی ایله ایران ـ تورکیه سینیریندان کئچیب آذربایجان شهرلرینه اوشنویا، ساووج بولاغا، قوشاچایا، بینابا، ملیک کندیه سالدیرسادا اورمویا چاتدیقدا اقبال الدوله نین باشچیلیق ایله و شهرین مقاومت ایله ناکام قالیر و نهایت ماکی خانی تیمورپاشاخان اوردوسونون گلیش ایله تار مار اولونور. آدلیم میللی قهرمان تیمورپاشاخان ماکویی کورد قوشونونا ائله پاپالان مشقی وئریر کی گونو بو گونه دک «بروین تیمور هته» قاچین تیمور گلدی مثلی هله ده وار دیللر ازبری دیر و بیریندن قورخاندا بو مثلی ایشلدرلر.

اورمونون اوست اورتولو بازاری ایچره یقین سرای شجاع الدوله تابلوسونودا گؤروبسوز. آدلیم حاکیم یوسف خان شجاع الدوله، اقبال الدوله نین بؤیوک قارداشی ایدیر. هابئله آدلیم میللی تورک سرداری مجدالسلطنه افشار اورمو، اقبال الدوله نین قیز نوه سی دیر و وطن بورجونو یئرینه یئتیررک جیلولوق سوی قیریمیندا اورمو سالماس خالقینین انتقامین جیلولاردان آلاراق سولو تپه ده جیلولارا اود قیسدیریب بیر چوخونو تون به تون سالیر.

آیین شایین ـ 040117