مَش حیدر قیلیلی اورمونون برکشلو ماحالینین قیلیلی کندیندن دیر. بؤیوک ماشینی اولاراق شهرلر آراسی یوک داشییر. بو گون آخشام چاغی یوکونو ووروب گلیب دئییر: ارجمندی بو آخشام یولا چیخسام یولدا عسگرانی اوینایام گرک. چیخما قادایین آلیم دا؛ قال صاباح چیخ. سنه مگر زور ائدن وار. هله ایلش بیر چایلاشاق گؤروم بو عسگرانی رقصی نی نئجه اویناییرلار.
ـ گولوب واویلا گؤتوروب یازماها دئییر! صاباح هامی شوفرلر دییر بلکه من یولا چیخدیقدا عسگرانی اویناییرام.
ـ هله دئمه دین بو عسگرانی رقصی نئجه اولور و هاردا کارا گلیر؟
ـ واللاه ائله قدیم تویلاریمیزدا، حنا گئجه لرده گؤروب بیلمیشم. گوروسن بیرینین دابانی قیزیشیب اوبیری لره ماجال وئرمه ییب یئره اوتورمایندا چالقیچی لار عسگرانی چالاردیلار تا او آدامین نفسی کسیلیب یورولوب گلیب ایلشردی. هر اوغولون ایشی دئییل عسگرانی اویناسین!
بؤیوک ماشینی دا قار اوسته، شیره بوز اوسته ییغیشدیرا بیلمه سن گوروسن هی اویان بویانا دونوب بورجودار. اونا گؤره دئییرلر یولا چیخدیقدا گؤزتده عسگرانی اوینامیاسان. بئله ها.
ایندی ائشیدک اورمو آذربایجانین میللی رقصلریندن اولان عسگرانی هاواسینی
آیین شایین - 041008
محمدعلی ارجمندی (آيين شايين)