آیین شایین 32

ائولن دئییرلر!

محمدعلی ارجمندی ـ نشریه آنا وطن؛ شماره 37

آللاه هامی سوبايلارا توی قيسمت ائديب حلال سوت امميش يولداش اوجاه ائله سين. يالان – يولان نه گرك. آدام بو سؤزو ائشيدنده بئله خوشونا گلير کی! اينتاهاسی بعضی لری نازلانيب نازيمی چكين دئيير دا. گؤروسن بيرينين ايشی – گوجو، الحمدا... كئفی ده سازدير. دئينده ائولن دئيير: آي جانيم سوبايليق سولطانليق دير. ائولنمك ندير كی!

آناسی دا دئيير: وای او سولطانليق باشينا ديسين. كول باش يازيق. صاباح بيريسی گون بيز باشيميزی قويدوق يئره دووارلار ديبينده سفيل – سرگردان قالاجاقسان. قوجالاندا اليندن توتان اولماياجاق و ... ايشه بركه چاتاندا دا دئيه جك سوتومو حلال ائتمه يه جم، گل بير يول راضی سال دئنن قادان آليم آنا اؤزون دئميشكن من داها چوخ قورو سوت يئميشم دا!

قيزلار ايسه دئيير: من هله ادامه تحصيل قصديم وار. كاردانی، كارشناسی، ارشد، دوكترانی بيتيريب علم دونياسينی حئيران ائدن زامان بختورين بالاسی ساده جه ياغ – سوغانی دا باشارمايير. مامانيسی دئميشكن بيزيم قيزيميز الينی آغادان ـ قره يه وورماييب. هئچ پيشير – دوشور ده باشارماز! دينيب دانيشسان دا دئيه جك ائله باشارمايانلارين شانسيندا اولاسان. اره گئديرم داماق ائله یم نه كی ييرتيق ياماق ائله ييم. واللاه

سؤز قونوسو ايران نسلی قوجالير دئيه، بو گونلر هامی عالی جنابلار جاونلاری قيناييب ائولن دئييرلر. اؤزونه گؤره اولماسادا مقصدلی سیاستلر اوچون ائولن دئييرلر! واختي ايله دام – دوواري چارشابلی بير قيز بير اوغلان شكيل ايله بزه ييب فرزند كمتر زندگي بهتر دئين آغالار، قيزلی – اوغلانلی هامی جاوانلارا گون آغلاييب خوشبخت ائتديكدن سونرا بو سفر خيابانلاردا بير دولو مينی بوس اوشاق شكيلی چكيب دئييرلر: فرزند بيشتر، شادی بيشتر!

ایشسیز ـ آرسیز گون چؤره یینه موحتاج قالیب اهل و عیال یانیندا شرمنده اولان بنده لر ایسه باخیب دئییر: یالانچا آتایان لعنت، هله بیر اوشاغین باشینی ساخلایا بیلمه ییرم بیر مینی بوسو هاردان دولدوراجایام!

بونا باخماياراق آخشامي ائوه گليب حيات يولداشينين سالاميني آلمادان اخبارا قولاق آسديقدا مجلسدن ندا گلیر: ساخلایان ساخلار! اوشاق سهل دیر هله، خانیمین راضی اولمادان ائولنیب یئنی بیر عایيله ده قورا بیلرسن. بیز مجلیس وکیللری اؤزلليكده خانيم وكيل لر میللی منفعت لريميزی دوشونه ره ک با كمال ميل و بصيرت كامل کیشی لرین بو ایلکین حاققینا ایمضا آتیریق!

اصلا نه اوياري وار آرواد خله ياغي وظيفه مادري سيني و همسرداري سيني بيراخيب ائودن ائشيكده ايشله ييب چؤرك قازانا بس اوندا اوشاقلاريميزين تربيه سينه كيم يئتيره جك مهر مادري نئجه اولاجاق! البته بيز تحصيلات عاليه ايله مخالف دئييليك بلكه تشويق ده ائله ييريك، آللاه وئرسین برکت. آما تحصيلات دا گرك در خدمت خانواده و فرزندان اولا!

واقعيت امر بودور كي خداوند متعال زنان خالقينی پر از احساس دوست داشتن و ظريف خلق ائله ييب. بس اينصاف دئييل كی بيزيم زنان آغير ايشلر گؤروب اؤزلريني اينجيده لر. غرب دونیاسی بونو دوشونمه دن نسوانلارا کالا گؤز ایله باخیر آما بیز دئییریک زن به عنوان ستون خانواده همیشه ائوینده برقرار اولمالیدیر. الحمداا... رب العالمین بیزیم کیشی لر ایشله ییب خانیملاریمیزی بی نیاز ائدیبلر!

آما بعضا، من به عنوان یک نماینده زن احساس شرم ائله ییرم، صاحابلاریمیزا ایش اولمایان یئرده بعضی خانیملار ایشله ییب کیشی لرین چؤره یینه باعیث اولور. خدا سر شاهد دیر کی اگر بو تکلیف الهی منیم بوینومون کؤکونده اولماسایدی اصلا و ابدا مجلسه گلیب بیر بئله کیشی اولان یئرده نطق ائله مز ایدیم!

سؤزون ممدقولوسو، چوره یین وار ایشین ایشدیر یوخسا چورک تاپماق سنه ایشدیر! نسَه بعضی مجلس وکیل لرین حال و حیکایه سی بونا بنزر، قادین اولاراق قادین حاقلارینا گؤز یوموب گولومسه ییرلر. زوراچیلیق، ایشکنجه، مقصدلی آیری کئشلیک لره معروض قالان مین لرجه قادینین توتارلی آهینی دانیب بوشلا دئییرلر! او اولماسین بو اولسون دئییرلر.