عاشیق آلماسی
یازار: محمدعلی ارجمندی ـ نوید آذربایجان ـ سایی ۵۲۳
گئتمه بالاسی، آل بو آلمالاری دا آپار، عاشیق آلماسی!
خان ننه ـ م سوواخ بالاخانادان بوبلانارکن همه شه یه تای الینده یئر ـ یئمیشدن پای توتوب.
جانیم منیم خان ننه
یاخین گل بالاسی، آچ اَلییین. بو بیر ـ بو ایکی .....
گؤرر، بَسدی خان ننه
قوی جیب لریین، دینمه !
آپار ساخلاگینان، توی گونو دام اوسته چیخیب، نیشانلی یین باشینا آتارسان!!!
یازیق خان ننه م بو سون چاغلاری نوخوشلاییب، گاهدان دا بیر آزدیریردی. اونا گؤره ده اؤزومون خبری اولمادان دئمک نیشانلیم دا وار ایدی!
هله، نییه دئییرلر عاشیق آلماسی، خان ننه؟
عاشیق آلماسی اوتانجاق بارا گلر، اونا گؤره ده رنگی آلا ـ بولا اولار. یاری ساری ـ یاری قیرمیزی.
دؤنوب گلدیگیمده، خان ننه م بیر داها بویلانیب دئییر: گئت بویونا قوربان، بالاسی بیرینجی آلمانی دیشله ییب، دوز ووراجاقسان نیشانلی یین آلنیندان، او بیری آلمالاری دا بوتون آتاجاقسان!!!
محمدعلی ارجمندی (آيين شايين)